ӨДӨР ТУТМЫН МЭДЭЭ-ний гол тойм – 2026 оны 3-р сарын 15

Франц улс Газар дундын тэнгис, Улаан тэнгис, мөн магадгүй Хормузын хоолой руу нисэх онгоц тээгчийн цохилтын бүлэг зэрэг тэнгисийн цэргийн арван хөлөг онгоцыг байршууллаа. Францын ерөнхийлөгч Эммануэль Макрон холбоотнууддаа хамгаалалтын дэмжлэг үзүүлэхээ амлаж, бүс нутгийн мөргөлдөөний үеэр дрон, пуужингийн халдлагаас худалдааны хөлгүүдийг хамгаалахаар байгуулагдсан Улаан тэнгис дэх тэнгисийн цэргийн ажиллагаа болох Европын Холбооны Aspides ажиллагааг бэхжүүлэхийг уриалжээ. (Ройтерс)

Колумб улс насанд хүрээгүй хүмүүсийг гэрлэхийг зөвшөөрдөг бүх онцгой заалтыг халсан түүхэн эрх зүйн шинэчлэлээр хүүхдийн гэрлэлтийг албан ёсоор хориглож, олон улсын хүүхдийн эрхийн стандартад нийцүүлж, залуусын боловсрол, эрүүл мэнд, хөгжлийг хамгаалахыг зорьж байна. (Хока Ньюс)

Перу улсын үндсэн байгалийн хийн хоолойд томоохон эвдрэл гарч, улсын хэмжээнд эрчим хүчний хямрал үүссэний дараа Лима болон Кальяод нэн даруй зайнаас хичээллэж, зайнаас ажиллахыг үүрэг болгожээ. Засвар үргэлжилж буй энэ үед түлшний хуваарилалт хязгаарлагдаж, цахилгааны үнэ өсөн, эдийн засагт саад учрах вий гэсэн болгоомжлол нэмэгдсэн байна. (UPI)

Австрали улс АНЭУ [Арабын Нэгдсэн Эмират Улс]-д E-7A Wedgetail хяналтын нисэх онгоц байршуулж, агаарын байг устгах дэвшилтэт пуужин нийлүүлжээ. Ойрх Дорнодын мөргөлдөөн хурцдаж буй энэ үед Австралийн ерөнхий сайд Энтони Албанез хатуу хамгаалалтын үүргийг онцолсон бол тус бүс нутагт амьдарч буй австраличуудыг нүүлгэн шилжүүлэх дэмжлэг үзүүлэхээр бэлтгэж байна. (VTV)

Ираны шинэ дээд удирдагч Можтаба Хаменеи хүнд шархдан, эмнэлэгт хэвтэн эмчлүүлж байгаа гэх мэдээллийн үеэр улсын телевизийн хөтлөгчөөр уншуулсан анхны мэдэгдлээ гаргаж, АНУ-Израилын сүүлийн цохилтын хариуг авна хэмээн амлаж, Хормузын хоолойг хаах “хөшүүрэг”-ийг ашиглаж болзошгүйг анхааруулсан ч олон нийтийн өмнө огт үзэгдээгүй байна. (Нью-Йорк Пост)

Хятад улс Чунчин хотод дэлхийн хамгийн урт задгай урсдаг шатны систем болох Ушань Дарь эхийн урсдаг шатыг нээлээ. Энэ нь 905 метр урт, 242 метр өндөр шилэн бүтэцтэй урсдаг шатны сүлжээ юм. Явган хүний туузан замын сүлжээ нь өмнө нь эгц уулын замаар нэг цаг авирдаг байсан Уушаны оршин суугчдын өдөр тутмын оршин суугчдын зорчих хөдөлгөөнийг өөрчлөхөд зориулан бүтээгдсэн байна. (Соха)

Энэтхэгийн нэр хүндтэй бөөрний эмчийн анхааруулснаар жоргүй эмийн хялбар хүртээмж, бүх нийтийн эрүүл мэндийн даатгалын дутагдал, эрүүл мэндэд хөнгөн хандах хандлагаас үүдэлтэй өөрөө дур мэдэн эм хэрэглэх явдал нь чихрийн шижин, даралт ихсэлтийн хамт бөөрний өвчний томоохон шалтгаан болж байна. Түгээмэл буруу хэрэглэдэг өвчин намдаагч, антибиотик нь бөөрний үйл ажиллагааг гэмтээж болзошгүй ажээ. (NDTV)

Европын шинэ судалгаагаар Европ даяар худалдаалагдаж буй уламжлалт аргаар тарьсан алимын 85% нь нэгэн зэрэг хэд хэдэн пестицидийн үлдэгдэл агуулж байгааг тогтоосон нь “коктейлийн нөлөө” хэмээх асуудлыг анхааралд оруулж байна. Энэ нь пестицидийн үлдэгдэл тус бүр нь Европын Холбооны аюулгүй байдлын хязгаарт багтаж байсан ч бага түвшний хэд хэдэн химийн бодис хоорондоо харилцан үйлчилж болзошгүй гэсэн үг юм. (ЕвроУикли Ньюс)

Хөлийн эрүүл мэнд нь биеийн ерөнхий эрүүл мэнд, урт наслах чадварыг илтгэж чадна. Учир нь хөл цусны эргэлтэд чухал үүрэгтэй. Эрүүл хөлийн зургаан шинж: 1. Хөлийн шөрмөс зөөлөн, уян хатан байх – судас эрүүл, уян чанар сайн байгааг илтгэнэ. 2. Хөл ховор бадайрах – цусны урсгал тогтвортой, мэдрэлийн үйл ажиллагаа хэвийн байгаа илэрхийлнэ. 3. Хөлийн арьс толигор, эрүүл байх – шим тэжээл болон цусны эргэлт сайн байгааг харуулна. 4. Хөл дулаахан байх – захын цусны эргэлт эрүүл байгааг илэрхийлнэ. 5. Хөлийн хумс цайвар ягаан, толигор байх – цус, хүчилтөрөгчийн хангамж хангалттай байгааг илтгэнэ. 6. Хөлийн ул унаган ягаан өнгөтэй байх – цусны эргэлт болон ерөнхий эрүүл мэнд сайн байгаагийн шинж. Мэргэжилтнүүд алхах, сунгалт хийх, хөлийг энгийнээр хөдөлгөх зэрэг тогтмол дасгал хийхийг зөвлөж байна. Энэ нь хөлийг хүчтэй болгож, цусны эргэлтийг сайжруулан, урт хугацааны эрүүл мэндийг дэмжинэ. (Лао Дон)

Шинэ судалгаанд тогтоосноор паспорт нь утас, ачаа тээшнээс ч илүү их нян агуулдаг бөгөөд нэг паспорт дээр 436 колони үүсгэгч нэгж [нянгийн өсөлтийн хэмжүүр] илэрсэн байна. Мэргэжилтнүүд олон хүнтэй аяллын үеэр нянгийн өртөлтийг бууруулахын тулд аюулгүй байдлын шалгалтын дараа гараа угааж, бичиг баримтаа ариутгахыг аялагчдад зөвлөж байна. (Фокс Ньюс)

Гуава жимсэн дэх C амин дэм болон ликопений өндөр агууламж нь үрэвсэл, батгатай тэмцэж, коллаген нийлэгжилтийг дэмждэг. Мөн түүний эслэг нь биеийг хоргүйжүүлж, арьсыг цэвэр тунгалаг байхад тусалдаг. Мэргэжилтнүүд эдгээр хамгаалах шим тэжээлийг хамгийн ихээр авахын тулд шинэхэн, бүхэл гуава идэхийг зөвлөж байна. (Лао Дон)

АНУ-д болсон EF-3 зэрэглэлийн хар салхи Индиана мужийн Лейк Виллижид хоёр хүний аминд хүрч, Иллинойс мужийн Канкакейг сүйрүүлжээ. Мөн Канкакейд дайрсан супер эсийн аадар борооны үүлнээс 152 миллиметрийн мөндөр орж, 100 байшинг сүйтгэжээ. (Fox Weather)

[АНУ-ын] Хавайн Килауэа галт уул хүчтэй дэлбэрч, лавын оргилуур 400 метр өндөрт цацагдан, галт уулын чулуу шидэгджээ. Үүний улмаас үнсэн багана 9 км өндөрт хүрч, орон нутгийн нислэгүүдэд саад учруулан, агаарын чанар аюултай түвшинд хүрсэн тул Хавайн галт уулын үндэсний цэцэрлэгт хүрээлэнг хаахад хүрчээ. (Уотчерс)

[Их Британийн] Оксфордын Их Сургуулийн Деви Сатаркараар ахлуулсан судлаачид гэнэтийн хүйтрэл, хүчтэй бороо нь Их Британийн их хөх бух шувууны дэгдээхийн өсөлтийг сааруулдгийг тогтоожээ. Тэдний судалгаагаар халуун, ширүүн хур тунадас хавсарсан нөхцөл нь [үүрээ орхин явахад хангалттай настай болсон] дэгдээхийн биеийн жинг эрс бууруулж, амьд үлдэх боломжийг багасгадаг байна. (EurekAlert!)

[Тайвань (Формоса)-ийн] Шинэ Тайбэй хотын эрх баригчид олон туулай-хүмүүс өвдөж, тэжээлийн дутагдалд орон, дараа нь нас барсан байдалтай олдсоны дараа “туулай-ардын ресторан”-ыг шалгаж байна. Албаны хүмүүс амьтан-ардын зөвшөөрөлгүй үзүүлэн гаргаж, удаан хугацаанд хайхрамжгүй хандсан байж болзошгүй гэж үзэж буй бөгөөд энэ нь торгууль эсвэл эрүүгийн хариуцлага дагуулах боломжтой ажээ. (Тайпей Таймс)

[АНУ-ын] Үхлийн хөндийд арван жилд нэг тохиох ховор их цэцэглэлт болж, хүчтэй борооны дараа удаан хугацаанд нойрссон зэрлэг цэцгийн үрүүд сэргэн, цөлийг алтлаг, нил ягаан ягаан цэцэгсээр хучлаа. Энэ үзэмж халуунд гандахаас өмнө хэдхэн долоо хоног үргэлжилнэ. (Спектрум Локал Ньюс)

Шинэ судалгаагаар Европын зараа-ард өндөр давтамжийн хэт авиаг сонсож чаддаг нь тогтоогджээ. Энэ нь автомашин, цэцэрлэгийн техник хэрэгслийг хэт авианы үргээгч төхөөрөмж суурилуулах боломжийг нээн, зам тээврийн ослоор нас барахаас сэргийлж, тоо толгой нь 30%-иар “эмзэг байдалд ойр” ангилалд орсон энэ зүйлийг хамгаалахад тус дөхөм болох юм. (Евроньюс)

Их Британийн Уур амьсгалын өөрчлөлтийн хороо 2050 он гэхэд хүлэмжийн хийн ялгаруулалтыг тэглэх зорилгод хүрэх нь чулуужсан түлшний үнийн нэг удаагийн гэнэтийн огцом савлагаанаас ч бага өртөгтэй бөгөөд эдийн засаг, эрүүл мэнд, эрчим хүч, аюулгүй байдлын томоохон ашиг авчирна гэж дүгнэжээ. Энэ нь уг шилжилт эдийн засагт дарамт болно гэсэн мэдэгдлийг няцааж, дотоодын цэвэр эрчим хүч нь урт хугацаанд хамгийн хямд, аюулгүй зам гэж үзэж байна. (Гардиан)

АНУ-ын Виржиниа мужийн хууль тогтоох байгууллага зэрлэг амьтдын гарц барих болон мужийн Зэрлэг амьтдын коридорын үйл ажиллагааны төлөвлөгөөг хэрэгжүүлэх санхүүжилт олгох байнгын Зэрлэг амьтдын коридорын буцалтгүй тусламжийн сан байгуулах тухай хуулийн төслийг баталлаа. Энэ нь амьтан-хүмүүс болон тээврийн хэрэгслийн аюултай мөргөлдөөнийг бууруулж, тасархай болсон амьдрах орчныг дахин холбох зорилгоор олон нийтийн хандив болон түүнд тохирох санхүүжилтийн тогтсон эх үүсвэр бүрдүүлэх юм. Энэхүү хууль тогтоомж одоо мужийн амбан захирагчийн батламжид шилжлээ (Environment America)

АНУ-ын Пенсильвани мужийн Бакс тойрог дахь ашгийн бус Heritage Conservancy байгууллагын сайн дурынхан хаврын бороотой шөнүүдэд нүүдэллэж буй хоёр нутагтан-хүмүүсийг автомашинд дайруулахгүй байхаар зам хөндлөн гаргахад нь тусалж байна. Үүний зэрэгцээ Пенсильвани муж гүүр, хонгил зэрэг зэрлэг амьтан-хүмүүсийн коридор байгуулах шинэ ажлын хэсгийг эхлүүлжээ (WHYY)

АНУ-ын хууль тогтоогчид улс даяар сургуулийн веган хоолыг өргөжүүлэх 12 сая ам.долларын буцалтгүй тусламжийн хөтөлбөрийг зөвшөөрөх санал болгосон хууль тогтоомжийг хэлэлцэж байна. Сенатын шинэ хуулийн төсөлд веган үндсэн хоолонд 10 сая ам.доллар, амьтны гаралтай бус сүүний хүртээмжид 2 сая ам.доллар олгохоор тусгажээ. (ВежНьюс)

Шинэ тайланд дурдсанаар Z үеийнхэн [1996-2012 оны хооронд төрсөн хүмүүс] Энэтхэгийн веган зах зээлийг 2034 он гэхэд 596 сая ам.долларын үнэлгээнд хүргэх гол хүч болж байна гэжээ. Залуу хэрэглэгчид тогтвортой байдал, эрүүл мэндийг тэргүүнд тавьж, веган хөнгөн зууш, ундаа, тодорхой шошготой уургаар дамжуулан, 2022-2025 оны хооронд салбарын өсөлтийг 19%-д хүргэж байна. (MediaBrief)

Sunwarrior супер хүнсний компани АНУ-д хоол боловсруулах эрхтний эрүүл мэндийг дэмжих органик, веган таван салааны үрийн хальсны нунтгийг худалдаанд гаргалаа. Азийн лийрийн амттай энэ нэмэлт бүтээгдэхүүн нь нэг хэрэглээнд 67%-иар илүү эслэг агуулдаг бөгөөд ГМО [Хувиргасан амьд организм], цавуулаг, сахар агуулдаггүй байна. (IPS Ньюс)

[АНУ-ын Нью-Йорк мужийн] Патнам тойргийн гал сөнөөгчид Руди нэртэй 14 сартай нохой-хүнийг хадан хавцлаас унан, хүрхрээний ойролцоох жижиг тавцан дээр 4.5 метр доош буусан байхад нь аварчээ. Багийн гишүүд олс, тусгай тээврийн хэрэгсэл ашиглан хоёр цагийн турш хүнд сорилтод байсан, гэмтэж бэртээгүй нохой-иргэнийг аюулгүйгээр татан авчээ. (6ABC)

Хадны атаахай-хүн нохой-хүмүүсээс зугтахын тулд автомашины хөдөлгүүрт шурган орж, унаа хийн, [Өмнөд Африкийн] Херманус дахь нэгэн айлд оржээ. Мэргэжилтнүүдийн зөвлөснөөр гэрийн эзэн гэмтэж бэртээгүй хадны атаахай-хүнийг аюулгүйгээр барьж, эргийн бүсийн сүрэгт нь буцаан тавьсан байна. (Good Things Guy)

Энэ өдрийн мэргэн үг: “Хүн бүр үг, үйлдэлдээ аль алинд нь анхаарч, тэдгээрийн ашиг тус хийрхлээс давсан, өнгө аяс нь дүр эсгэлтээс бус, үнэнээс үүдэлтэй эсэхийг бататгах учиртай.” – Шүтэгдэн бишрэгдсэн Гэгээрсэн Их Багш Плутарх (цагаан хоолтон) (iPerceptive)

Жэйми Вүүдлийн клиник үхэлд орсон тохиолдлын 2-ын 1-р хэсэгт Америкийн эрүүл мэндийн дасгалжуулагч, цэцэрлэгийн багш асан Жэйми улаан шоргоолжинд хазуулсны дараа хэрхэн бараг нас барж, гэнэт (цагаан хоолтон) Эзэн Есүс Христтэй учирсан тухайгаа ярьж байна. Жэйми Өмнөд Каролинад стресс ихтэй амьдралтай байв. Тэрээр зөвлөгөө өгөх чиглэлээр онлайнаар бакалаврын зэрэг горилохын зэрэгцээ цэцэрлэгт бүтэн цагаар багшилж байлаа. Цэргийн алба хаагчийн гэргий, хоёр бага хүүхдийн эхийн хувьд Агаарын цэргийн хүчинд ажилладаг нөхрийгөө урт цагаар ажиллах үед түүнд нэмэлт олон үүрэг ногддог байв. Жэйми 90 гаруй килограмм жинтэй, сэтгэл гутралтай, эрүүл биш байсан ба байнгын дарамт дор өдөр бүрийг арайхийн өнгөрөөж байлаа.

2019 оны сүүлээр Жэйми гэр бүлийнхээ хамт нөхрийнхөө төрсөн өдрийг тэмдэглэв. Тэр үдэш хачин гунигтай байлаа. Учир нь нөхөр нь хэдхэн сарын дараа Афганистан руу томилогдохоо дөнгөж мэдсэн байжээ. Оройн хоолны дараа тэд гэртээ буцаж ирээд шоколадтай бялуу идэв. Тэд хүүхдүүддээ томилолтын талаар хэлэхэд баяр нь нулимсаар солигджээ.

Охины минь маргааш өгөх ёстой шинжлэх ухааны төсөл санаанд орсон. Тэгээд би шууд аваад гарсан. Тэр нь гурав нугалдаг самбар шиг зүйл байсан л даа. Би түүнийг тэвэрч гараад машины ард хийж байлаа. Тэгээд би тэнд зогсож байхдаа нэг хөлөө газарт, нөгөө өвдгөөрөө машинд тулсан байсан. Төслийг дотогш түлхэж байтал нэг юм хазах шиг болоод доошоо хартал улаан шоргоолж байв. Тэр үед бид Өмнөд Каролинад амьдарч байсан. Бид агаарын цэргийн хүчний Шоу баазад байрлаж байсан юм. Бид тэнд 5 жил байсан болохоор улаан шоргоолж надад огт шинэ зүйл биш байсан л даа. Тэд хатгадаг, загатнуулдаг, тэр нь арилахад хэдэн долоо хоног шаардаж болдог ч нэг их ноцтой биш, зүгээр л өвдөлттэй таагүй байдал мэт санагддаг. Тэгээд хатгахыг мэдрэнгүүтээ би шууд ойлгосон. “Өө, энэ яг юу болохыг би мэднэ” гэж бодсон. Тэгээд би түүнийг гөвөхөөр оролдоход хэдэн арваараа миний хөлөөр дээш, доош гүйлдэж байв.

Жейми бенадрил хэмээх антигистамин эмийг хайхаар бүдчин дотогш орсон ч гэнэт хөлийнх нь улнаас дээш халуун оргихыг мэдэрчээ. Тэгээд би шат руу яаран очоод дээш гарах гэж оролдсон. Яаж ийгээд орон руугаа хүрсэн. Тэнд нөхөр маань хүүхдүүдийг тэвэрчихсэн, бүгд уйлж байлаа. Тэр миний царайг хараад ямар нэг зүйл болсныг ойлгосон. Би “Бенадрил олоод ир” гэж хэлэв. Тэгээд тэр доош гүйсэн. Хүүхдүүд юу болоод байгааг огт ойлгохгүй байлаа. Тэгээд нөхөр маань доор эм хайж байх хооронд гэнэт нүд минь маш хүнд болж, юмс харанхуйлж эхлэн, яг л хараа нарийсах мэт болж, би өөрийгөө уначих гээд байгааг мэдэрсэн. Үүнтэй зэрэгцээд дотор маш их муухайрч эхэлсэн. Би охин руугаа хараад “Аавдаа 911 рүү залга гэж хэл.” гэсэн. Тэр үнэхээр цочирдсон байсан ч яв гэж хэлэхэд минь доош гүйсэн.

Нөхөр нь түүнд түргэн тусламж ирж байгаа гэж хэлжээ. Тэр үед миний нүд аль бүрэн аниастай болсон. Би нүдээ нээж чадахгүй байлаа. Тэгээд би залбирч, би эндээс гарч чадахгүй нь гэж бодож байсан. Тэгээд би Бурхныг “Гуйя, гуйя.” хэмээн дуудаж байлаа. Би үхэж байгаагаа мэдэж байсан. Тэгээд Бурханд “Гуйя, гуйя, намайг одоо битгий аваач.” гэж гуйж байлаа. Тэгээд гал сөнөөгчид ирээд, нүдээ нээ дээ гэхэд “Би нүдээ нээж чадахгүй. Чадахгүй байна.” гэж хэлсэн. Тэд маш их санаа зовж байв. Тэд айсан байсан, яг юу болж байгааг ч ойлгож байсан. Гэхдээ түргэний эмч хараахан ирээгүй байлаа. Тэгээд эцэст нь тэд намайг өргөхөд би тэр даруй ухаан алдсан. Дахин ухаан орохдоо би угаалгын өрөөндөө байхаа больсон байсан. Нүдний минь өмнө салхинд найгах улаан буудай харагдаж байв. Яг л хүн сэрээд хэд анивчаад, ухаанаа цэгцэлж буй мэт санагдсан. Юу болоод байна аа? Тэгээд надад хайр дунд хүрээлэгдсэн, ямар ч ачаа дарамтгүй мэт тийм амар тайван мэдрэмж төрсөн.

Үнэхээр гайхамшигтай. Иймэрхүү зүйл тохиолдохоос нааш амьсгалах хүртэл өөрөө ямар их ачаа байдгийг хүмүүс мэддэггүй. Ямар ч стресс, юу ч байгаагүй. Тэгээд үнэхээр үзэсгэлэнтэй байсан. Би энэхүү найгах улаан буудайг хараад, газар тонгойж суучхаад түүний орой дундуур шагайж байгаагаа ойлгосон. Улаан буудай алтан шаргал, яг хураахад бэлэн мэт байлаа. Тэгээд би эргэн тойрныхоо өнгөнүүдийг анзаарч эхэлсэн. Гялалзан, өнгө нь өөрөө хөдөлж байгаа юм шиг. Улаан буудай өөрөө найгаж байсан ч өнгө нь бараг амьд юм шиг санагдсан.

Тэгээд улаан буудайн цааш алсыг харахад би Есүсийг харсан. Тэр хажуу тийш харан зогсож байв. Тэгэхээр би Түүний зүүн талыг харж байсан гэсэн үг. Тэгээд би өөрийгөө жижигхэн элсэн дов, толгод дээр байгаа юм шиг, зах нь хэдэн тохой доош налуу байгаад бараг л эрэг шиг газар болж, цааш гол юм уу нууртай залгаж байгааг ойлгосон. Асар том далай биш байсан. Ус нь Түүний хөлд зөөлөн долгиолж байлаа. Тэгээд би тэр усыг ширтэж байснаа санадаг. Тэр үнэхээр гайхалтай байсан. Би яаж 20 бээр [6 метр] зайтай атлаа усыг илүү ойроос харсан зураг шиг мэдэрч байснаа бодит амьдрал дээр тайлбарлахад хэцүү. Учир нь энэ ер ойлгомжтой биш. Гэхдээ ус нь улаан буудай болон эргэн тойрны бусад зүйлсийн адил өнгөөрөө амьд мэт гялалзаж байсан нь үнэхээр гайхалтай байлаа. Тэр ус Түүний хөлд цалгилан

хүрч байв. Тэгээд би дээш хартал Тэр цагаан нөмрөг өмссөн байсан, мөн Тэр хэн нэгэн рүү доош харж ярьж байлаа. Түүнийг ярьж байгааг би сонсож байсан ч юу хэлж байгааг нь сонсож чадахгүй байсан. Тэгээд би тэр хүн рүү харахад, тэр хүн мөн цагаан хувцастай байсан ч доош бөхийсөн, бараг дайчны байрлалтай, нэг өвдгөө өргөж, нөгөөгөөрөө газарт тулж, нэг гараа газар, нөгөөгөө өвдгөн дээрээ тавьсан байв. Би юу болж байгааг сонсож чадахгүй байсан ч Есүс энэ хүнд үүрэг даалгавар өгч байна гэдгийг дотроо мэдэж байсан, бас сонсох гэж маш их хичээсэн. Тэгээд би тэр хүнийг дахин хараад, тэр нь би өөрөө гэдгийг ойлгосон. Энэ нь би нүүрээ таниад мэдсэн хэрэг биш. Энэ бол дотоод мэдрэмж байсан. Тэр нь би. Тэр надтай ярьж байсан.

Гэвч Жэйми Эзэн Есүс Христтэй хийсэн уулзалт нь гэнэт тасалдсан гэж хэлжээ. Тэгээд яг тэр агшинд би буцаан татагдсан. Тэгээд гэнэт би гал сөнөөгч намайг түшиж, эмнэлгийн ажилтан хөлийг минь үрж байгааг мэдэрсэн. Жэйми Вүдлийн клиник үхлийн тохиолдлын 2-ын 2-р хэсэгт маргааш бидэнтэй хамт байгаарай. (Шон Табатт)